郎平

郎平是前中國排球隊成員，退役後佢曾經擔任美國女子排球國家隊主教練，而喺2013年，佢再度成為中國女子排球國家隊主教練，並喺2021年卸任中國女排主教練嘅職務。中國女排喺朗平教練執教期間，一共奪得一次奧運冠軍及兩次世界杯冠軍。

郎平教練嘅管理理念係給予每位球員落場打比賽嘅機會，令每一位球員都可以發揮自己嘅潛力，因為佢相信每位球員都有自身嘅優勢。另外，郎平教練大膽啟用一代新人，喺一啲關鍵時刻大膽啟用新人，成功發掘朱婷、袁心玥、張常寧、龔翔宇等出色嘅球員。

郎平教練亦在訓練方式上提出改革，拒絕大量的密集式訓練，而係主張運動保護和康復調節，加大運動保護，提高運動員嘅自我保護意識。佢會關注每位運動員的傷患情況，從而調整訓練密度及強度。

另外，郎平教練亦十分尊重每位球員，喺平時練習及比賽時，唔會大聲斥罵某一位球員，並且會鼓勵球員勇於表達自己嘅意見。

郎平教練表示領導者所帶領嘅係人，尊重並且關注隊員嘅全方位發展及需求先可以更有效凝聚人心。