黃子華

黃子華係香港著名嘅演員同埋棟篤笑演員，佢嘅棟篤笑表演喺香港大受歡迎，而令佢漸漸為人熟悉。雖然佢比人嘅印象係搞笑、幽默，但係佢有一顆仁慈嘅心。佢經常都忙於拍戲，但係佢仍然會為慈善出一分力。

喺2014年嘅時候，黃子華獲得慈善之星嘅獎項，而背後嘅原因係因為佢助養咗幾十名嘅小朋友。另外，喺2017年嘅時候，佢參與了慈善機構「惜食堂」的活動，親自落區派飯比老人家，之後佢仲去咗一啲舊樓嘅天台劏房探訪低收入人士，同佢哋傾計、了解佢哋嘅生活。而最近，佢為香港中文大學所舉辦有關於腦腫瘤嘅活動作出呼籲，希望可以幫助市民提高對腦腫瘤嘅意識。佢仲話近年多人追韓劇，最深刻成日都會有腦腫瘤，佢心諗有冇咁多腦腫瘤呀？但係其實係好不幸，呢個世界真係有好多腦腫瘤…。另外，佢仲為「惜食堂」宣傳啱啱成立嘅展覽館，幫助宣傳珍惜食物嘅信息，呼籲市民捐款支持機構提供免費飯盒比有需要嘅老人家。

由此可見，黃子華擁有一顆仁慈嘅心，佢付出時間同埋金錢幫助社會上有需要嘅人士同埋宣傳環保嘅訊息。加上佢自身嘅影響力，好多市民紛紛響應活動同埋捐款，令到整件事情事半功倍。

最後，喺度都想鼓勵大家可以喺自己有能力嘅範圍以內，多做善事，幫助社會上有需要嘅人。

. . . . . . . . . . . . . . .

撰文：Jaffi

插畫：Q

外框設計：Elim & Q