黎志偉

黎志偉係一個十分出色嘅攀石運動員，唔單止贏過長洲搶包山比賽，仲攞過4次亞洲冠軍。不過，佢喺十年前不幸遇上交通意外，導致下半身癱瘓，需要依靠輪椅四處活動。

就算坐輪椅，佢都冇停止挑戰自己。車禍五年後，佢挑戰攀上獅子山。當時佢選擇攀登嘅地勢比較垂直，支撐點較少；佢只靠著雙臂嘅力量，就成功連人帶輪椅攀上獅子山！這些挑戰需要極大嘅勇氣和敢於突破障礙嘅精神。

2021年，佢挑戰攀登約320米高嘅如心廣場。當日風勢十分強勁，唔單止令到攀爬繩打結，更加令到黎志偉處於低溫嘅狀態。佢用雙手嘅力量去抵抗強風，並且喺離地約250米嘅高空一直諗辦法解開條打結嘅繩。最後，基於安全考量，佢好可惜咁放棄咗繼續挑戰。當中，佢不斷嘗試解決正在面臨嘅問題，而唔係輕易放棄，即使到最後佢選擇終止挑戰，但亦顯明了佢尊重生命、顧及安全、勇敢而並不魯莽，充分考慮當下情況停止攀爬。

佢係一個十分勇敢嘅輪椅攀登者，佢勇於挑戰自我嘅精神和對生命嘅尊重好值得我哋學習。