李宗偉

李宗偉係一位十分出色嘅馬來西亞羽毛球運動員，係羽毛球壇上四大天王嘅其中一位。佢曾登上世界第一嘅寶座，亦都喺倫敦奧運會同埋里約奧運會嘅男子單打比賽項目當中攞到銀牌。

佢擁有頂尖嘅羽毛球技術，亦曾經攞過好多世界冠軍，但係佢無因此而自高自傲，致此都為人謙遜。

佢喺兩屆奧運會都分別攞到獎牌，於是馬來西亞總理封佢為拿督。擁有拿督身份嘅佢，喺球場上並冇擺出任何高尚嘅姿態。喺打比賽嘅時候見到對手受傷，佢會主動上前慰問。另外，喺每一場比賽之中，李宗偉都會禮貌對待裁判、對手同埋對方嘅教練。面對誤判，佢會禮貌咁向裁判提出意見，有耐心咁等待最後結果。有一次，佢喺香港公開羽毛球錦標賽當中輕鬆擊敗世界排名比佢低嘅泰國球手，成功晉級，賽後訪問佢對於嗰次比賽嘅感受，李宗偉謙虛表示每一場佢都用盡全力去拼搏，無論對手係邊個，佢都會盡力爭取勝利。

佢內斂謙遜嘅態度深得球迷歡迎，亦成為年輕球手嘅榜樣同埋目標。