林丹

林丹係中國羽毛球男子單打運動員，係羽毛球球壇上嘅傳奇人物。佢攞過好多次世界冠軍，亦贏過兩次奧運，成為一位全滿貫嘅羽毛球男子單打運動員。林丹對於羽毛球呢項運動表現出熱情同埋幹勁，由9歲入體校訓練開始，佢就一直付出好多努力同埋堅持。

林丹嘅天賦得到解放軍球隊嘅賞識，而成為一名軍人，所以佢平日要進行軍訓，其餘嘅所有時間佢都投放到羽毛球練習入面。到佢成功選入中國羽毛球代表隊後，佢仍然堅持全心投入到每一次嘅訓練。就例如喺北京奧運會比賽開始前嘅一兩個月，除咗平日嘅練習之外，理應係休息日嘅星期日，林丹都會朝早起身跑步鍛練體能。

林丹會全力以赴咁去打每一場嘅比賽，每次上場比賽，佢都充滿能量同埋戰鬥力。就算遇上強勁嘅對手，定係落後緊嘅時候，佢會當做一項挑戰，佢會表現得好興奮同埋出唔服輸嘅精神。

林丹全心全意咁為呢項運動付出自己全部嘅努力同埋堅持，而最終成為羽毛球球壇上嘅一個傳奇人物。